恒久的溫柔 永遠的巨星 鄧麗君部落格

唱片編號:LFLP211 發行年份:71年
A1.難忘的初戀情人    A2.祖母的話    A3.三聲無奈    A4.望春風
A5.天黑黑    A6.勸世歌    A7.十一哥    A8.歹歹尫吃抹空

B1.安平追想曲    B2.賣肉粽    B3.心酸孤單女    B4.緣投囝仔
B5.心酸酸    B6.人生一條路    B7.思想枝    B8.難忘的愛人

A1.難忘的初戀情人
詞：游國謙/狄珊　曲：方晴/江明旺
難忘的初戀的人　為你心茫茫
明知無緣結成雙　再想也你一人
雖然難成雙　猶原愛你一世人
陣陣冷風　無吹別項
卡吹也那個人　難忘初戀的人

難忘的初戀的人　月娘照入窗
照著阮的心房　照著相思欉
阮的初戀夢　無頭無尾變成空

多情月娘　無照別項
卡照也那個人　難忘初戀的人

難忘的初戀的人　遙遠的美夢
孤單影孤單人　痴迷心茫茫
為著初戀夢　歸日心內亂糟糟
不知清醒　還是眠夢
雖然是眼眶紅　難忘初戀的人

A2.祖母的話
詞/曲：劉福助
做人的媳婦著知道理　晚晚去睏著早早起
又擱煩惱天未光　又擱煩惱鴨無卵
煩惱小姑要嫁無嫁妝　煩惱小叔要娶無眠床

做人的媳婦著知道理　晚晚去睏著早早起
起來梳頭抹粉點胭脂　入大廳拭桌椅
踏入灶腳洗碗箸　踏入繡房繡針織

做人的媳婦擱真艱苦　五更早起人嫌晚
燒水洗面人嫌熱　白米煮飯人擱嫌黑　氣著剃頭作尼姑

若是娶到彼囉不孝媳婦　早早著去睏　晚晚擱不起床
透早若是甲伊叫起來　就面仔臭臭
頭鬃又擱背在肩胛頭　腳屐又擱拖塊腳蹟後
著吱吱咕咕吱吱咕咕起來　罵乾家官是老柴頭

A3.三聲無奈
詞：林金池　曲：黃國隆
一時貪著阿君仔美　痴情目睭格眛眛
為君仔假愛來吃虧　害阮目屎四喃垂

二更過了月斜西　想阮那會命即歹
花開專望阿君仔採　無疑僥倖不應該

三聲無奈哭悲哀　月娘敢知阮心內
失戀傷心流目屎　好花變成相思栽

A4.望春風
詞：李臨秋　曲：鄧雨賢
獨夜無伴守燈下春風對面吹
十七八歲未出嫁遇著少年家
果然漂緻面肉白誰家人子弟
想要問伊驚呆勢心內彈琵琶

想要郎君做尪婿意愛在心內
等待何時君來採青春花當開
聽見外面有人來開門甲看覓
月娘笑阮憨大呆被風騙不知

A5.天黑黑
詞：台灣童謠　曲：林福裕
天黑黑　要落雨　阿公仔舉鋤頭要掘芋
掘啊掘　掘啊掘　掘著一尾旋鰡鼓
依呀嘿都　真正趣味
阿公仔要煮鹽　阿媽要煮淡　兩個相打弄破鼎
依呀嘿都　啷噹嗟噹嗆　哇哈哈
阿公仔要煮鹽　阿媽要煮淡
阿公仔要煮鹽　阿媽要煮淡
兩個相打弄破鼎　弄破鼎　弄破鼎
依呀嘿都　啷噹嗟噹嗆　哇哈哈
哇哈哈　哇哈哈

A6.勸世歌
我來唸歌囉　呼恁聽噫　不免卻錢啊免著驚呀
勸恁做人著端正　虎死留皮啊人留名唉
講甲當今囉的世間哩　鳥為食亡啊人為財死啊
想真做人擱著嗨嗨　死從何去生何來咿
咱來出世囉　無半項哩　空手戽魚也攏相同唉
勸恁做人著打拼　惡毒害人啊仙不通唉
講甲人生囉著愛想噫　忠孝做人啊有較長唉
榮華富貴不通想　總是命運免憂愁咿
我叫朋友囉　著做好哩　人生做人啊那眠夢唉
勸恁做人著志氣　小小生理啊會賺錢唉
講甲事業囉百百款哩　恁那勿嫌啊怎艱難唉
我勸世人做好代　打拼的人會發財咿

A7.十一哥
詞/曲:謝友
有情有義十一哥
無情無義酒矸仔嫂
嘿敢按呢
空嘴埔舌抹甲你好
合要可憐唷
叫伊看顧阮總是無
合要著愛想著愛想

愛情算來催命索
為著愛情生命無
嘿正厲害
金錢主義抹甲你好
合要可憐唷
家庭隨時著起風波
合要著愛想著愛想

戀愛流行是全世界
路邊野花君莫採
嘿真悲哀
假情假愛甲你好
合要可憐唷
風流變成會憨大呆
合要著愛想著愛想

鴛鴦水鴉成雙對
愛人比某抹有卡美
嘿我嗎知結髮夫妻
拆分開合要可憐唷
想著差錯是吐大悸
合要著愛想著愛想

風流查某若有情
咽厝公媽都無靈
嘿無得卻錢銀
乎你拐去用
合要可憐唷
錢了甲人是無比評
合要著愛想著愛想

勸咱大家會曉想
金錢會賺著會守
嘿才實在仙都不通
學風流合要可憐唷
恐驚吃老是無好樣
合要著愛想著愛想

A8.歹歹尫吃抹空
詞/曲：劉福助　
大家閒閒就來聽我唱 不是要加咱來相彼
人講嫁著歹尪莫怨嘆　好歹同款嗎是一世人
嫁著讀書的尪　床頭捆床委會香
三日無吃擱也輕鬆　
嫁著做田尪 每日無閒來梳頭鬃　
嫁著總譜尪 身軀油油看著抹輕鬆　
嫁著做衫尪 看人身軀是美東東　
嫁著賣菜尪 三餐步是菜擱就是蔥　
嫁著殺豬的尪 煮菜無油格也會香　
嫁著賭博尪 博勝吃肉博輸吃蔥　
嫁著酒鬼的尪 酒醉相打是扭頭鬃　
我定定心頭格莫輕鬆
嫁著咯崁的尪 坎坎仔是坎津當擱蘭面
又格胳輕鬆 你若氣死嗎無採工
嫁著風流尪 山珍海味吃抹香
嫁著窮赤尪 米定定空
不過精神比較恰輕鬆
嫁著懶惰尪 求求欠欠擱無採工　
若是嫁著那個臭頭仔尪
捻棉被塞鼻口 講會做尪某是相欠債
不是乾單咱一個 大家心肝放恰輕鬆
好尪歹尪總是尪 人講歹歹尪吃抹空
啊咿...歐夷羅夷

B1.安平追想曲
詞：陳達儒　曲：許石
身穿花紅長洋裝　風吹金髮思情郎
想郎船何往　音信全無通　伊是行船仔逐風浪
放阮情難忘　心情無塊講　相思寄著海邊風
海風無情笑阮憨　啊~不知初戀心茫茫

相思情郎想自己　不知爹親二十年
思念想要見　只有金十字　給阮母親仔做為記
放阮私生兒　聽母初講起　越想不幸越哀悲
到底現在生也死　啊~伊是荷蘭的船醫

想起母子的運命　心肝想爹也怨爹
別人有爹疼　阮是母親晟　今日青春孤單影
全望多情兄　望兄的船隻　早日回歸安平城
安平純情金小姐　啊~等你入港銅鑼聲

B2.賣肉粽
詞：張邱東松
(燒肉粽　燒肉粽　賣燒肉粽　燒肉粽)
自悲自嘆歹命人　父母本來真疼痛
乎我讀書幾多冬　出業頭路無半項
暫時來賣燒肉粽　燒肉粽　燒肉粽　賣燒肉粽

要做生理真困難　那無本錢做未動
不正行為是不通　所以暫時做這項
今著認真賣肉粽　燒肉粽　燒肉粽　賣燒肉粽

物件一日一日貴　厝內頭嘴這大堆
雙腳行到要鐵腿　遇著無銷真克虧
認真擱賣燒肉粽　燒肉粽　燒肉粽　賣燒肉粽
(燒肉粽　燒肉粽　賣燒肉粽　燒肉粽)

B3.心酸孤單女(閩南語:苦海女神龍、國語:誰來愛我)、(1969年日本歌曲「港町ブルース」)
詞:黃俊雄 曲:猪俣公章
無情的太陽　可恨的沙漠　迫阮滿身的汗流甲濕糊糊
拖著沉重的腳步　要走千里路途
阮為何　為何流浪江湖　為何命如此

有情風吹動　三尺黑頭毛　有情月照阮的胸前半身光
流浪著千里遠　無一個相借問
心頭酸　心酸孤單女　為何命如此

討厭交男子　歡迎女朋友　討厭文雅幼秀歡喜學風流
無人像我這款　心頭亂亂想
飲酗酒　怎樣飲酗酒　越飲越憂愁

B4.緣投囝仔
緣投囝仔 (原曲1941山田五十鈴「牡丹の曲」)
詞：郭大誠　曲：服部良一
緣投囝仔你幾歲 不知娶某也是袂
阮袂嫁你嘛袂娶　十七八歲當好大
希望你不通拖沙 趕緊來娶我
酒袂飲侷仔袂賭 娶我允快活

緣投囝仔真古錐 害我看著大心悸
看著你心花著開　真想要甲你做堆
阮猶原生成真美 袂乎你克虧
有甲意僅來相隨 不通用嘴水

緣投囝仔有意愛 可惜恁母來阻礙
枉費阮情深似海　阮的傷心誰人知
希望你衆位朋友 甲阮鬥安排
安排伊會得自由 給我做尫婿

B5.心酸酸
詞：陳達儒　曲：姚讚福
我君離開千里遠　放阮孤單守家門
袂吃袂睏腳手軟　瞑日思君心酸酸
無疑一去無倒返　辜負青春暝日長
連寫批信煞來斷　乎阮等無心酸酸
一時變心袂按算　秋風慘淡草木黃
風冷情冷是無秧　光景引阮心酸酸

B6.人生一條路(1968年日語歌曲人生一路)
人生是一條路　茫茫的路途　
千萬不通三心兩意誤著路途
不管是好路歹路　做人就不驚干苦
越過山仔越過山嶺　就有光明的前途

人生是一條路　麻煩的路途　
做人本是受不盡酸甘甜苦
為著要追求幸福　不驚日頭不驚風雨
認真打拼做頭路　就有美滿的前途

人生是一條路　美麗的路途　
靠著自己不怕艱苦打拼創造
人人要互相照顧　人生路途一路酸苦
那行就要那鋪路　就有幸福的前途

B7.思想枝
詞：許丙丁　曲：恆春民謠
思啊想起　楓港過去呀伊嘟是車城
花言巧語呀伊嘟未愛聽啊噯喲喂
阿娘仔講話若有影噯喲喂
噯喲刀槍做路也敢行啊噯喲喂
思想起　甘蔗好吃伊嘟雙頭甜
大某那娶了啊伊嘟娶細姨噯喲喂
細姨仔娶來人人愛噯喲喂
噯喲放捨大某那上可憐啊伊嘟噯喲喂

B8.難忘的愛人
詞：鄧君榮
愛人呀我在叫你　你不知有聽見無
自從咱離別了後　時常思念你
一片真情望你不通來袂記
期待一日擱一日　可愛的愛人

愛人呀你叼位去　天邊海角找無你
乎阮每日空相思　目屎像雨滴
一生幸福永遠只望妳一人
無疑今日煞分離　無緣的愛人

愛人呀你真無情　思思念念你一人
到底為著啥代誌　放阮做你去
自咱離開了後無批又無信
傷心珠淚流無停　難忘的愛人